Республикыште илыше- влак посна тӱлымӧ оксам кучылтын парикмахерский ден уна пӧрт- влакым почыт
Республикыште илыше- влак посна тӱлымӧ оксам кучылтын парикмахерский ден уна пӧрт- влакым почыт. Эртыше ийын республикыштына кок тӱжемат 382 социал контрактым ыштыме ыле. Тидын нерген социал вияҥмаш министерстве увертара. Социал контракт- тиде калыкын материальный положенийжым саемдаш ыштыме полыш мера. Социал контракт негызеш могай полышым налаш лиеш?. Тиде- пашам кычалмаш. Кодшо ийын 997 еҥ пашам муын. Шке пашам почмаш. Тиде полышлан кӧра 679 еҥ шке бизнесшым тӱналын. Шке озанлыкым виктарымаш. Республикыште 267 еҥ шке полыш озанлыкшым вияҥдаш тӱҥалын. 439 еҥ неле илыш йыжыҥым сеҥен лекташ полыш дене пайдаланен. Мутлан, Советский районысо Роҥго селаште илыше- влак ондак парикмахерскийыш райрӱдыш коштыныт. Кызыт верысе ӱдырамаш шке салонжым почын. Параньга район гыч пӧръеҥ пу гыч ыштыме ӱзгар- влаклан лазер гравировкым ышта. А марий Йӱштӧ Кугызан резиденцийже воктене «Лӱс йомак» уна пӧрт почылтын.
Фото: Социал вияҥмаш министерстве.
Фото: Социал вияҥмаш министерстве.
