Йошкар-Ола гыч «Дебют» ансамбль калыкле телевизионный премийын сеҥышыже лийын

Йошкар-Ола гыч «Дебют» ансамбль калыкле телевизионный премийын сеҥышыже лийын
            Йошкар-Ола гыч «Дебют» бальный куштымаш ансамбль хореографий сымыктыш аланыште «Щелкунчик» калыкле телевизионный премийын сеҥышыже лийын. Конкурсын финалже кодшо кечылаште Москошто эртен. Тушко уло эл гыч 180 коллектив ушнен. Гостинный Дворышто эртыше Гала- концертыш кум тӱжемат 200 куштызо погынен. Нуно чылан пырля вич шагаташ шоум ончыктеныт. Нунын дене пырля ик сценыште эстардын шӱдыржӧ- влак муреныт. Марий Эл гыч тушко «Дебют» бал куштымашын образцовый ансамбльже (вуйлатышыже Анна Соколова) да Андре Мольро лӱмеш 26-шо гимназийын «Школ лига» социал проектше миеныт. Дебют икымше да кокымшо степенян лауреат лӱмым сеҥен налын. Гала-концертым Родион Газмановын «Ме пырля» муро-куштымашан номерже мучашлен. Тушто «Дебютын» солистше- влакат куштеныт.
                Фото: Анна Соколован лаштыкше гыч.

Прошлые выпуски