Марий Элысе предприятий- влак уэш Российысе эн сай производитель- влак радамыште улыт
Марий Элысе предприятий- влак уэш Российысе эн сай производитель- влак радамыште улыт. Республике гыч сатум лукшо да полышым ыштыше лу предприятий эн сай лӱм верч кучедалмашке ушнен да ончыко лектын. Эше кум предприятий 2022-шо ийыште «Марий Элыште наставничествын эн сай практикыже» регионысо конкурсын лидерже лийыныт. Теҥгече Марий Элым вуйлатыше Юрий Зайцев туныктыш да шанче министерствын залыштыже «Российын 100 эн сай сатужо» Программын Росийысе конкурсшын лауреат ден дипломантше да «Марий Элыште наставничествын эн сай практикыже-влак» регионысо конкурсын сеҥышыже- влаклан наградым кучыктен. Тудо палемден: промышленность ден ял озанлык республикын тӱҥ отрасльже улыт, а Российысе конкурсын дипломжо- влак предприятий- шамычын кугу куатышт улмым эше ик гана пеҥгыдемден ончыктеныт. Наградым налмеке эркышнаш ок кӱл. Правительство субсидий дене полшаш ямде. Тендан пашада республикылан пайдам кондыжо манын меат тыршена, - ешарен республикым вуйлатыше.
«Российын 100 эн сай сатужо» Программыште кодшо ийлан сеҥышылан «Чай Руси», «Звениговский» шыл комбинат, «Микрак», «Геникс» фирма, «Силикат кермыч завод», «Радакс», «Полаир-Недвижимость», «Марий картонаж мануфактура», «Фарб-М», «Республикысе паша аланыште компетенций рӱдер» ушем- влакым шотлымо. «Марий Элыште наставничествын эн сай практикыже-влак» регионысо конкурсышто сеҥышыш «Чоҥаш», «Красногорскысо автофургон комбинат», икымше номеран кинде завод» ушем- влак лектыныт.
Фото: Марий Элым вуйлатышын администрацийжын увер дене пашам ыштыше пӧлкаже.
«Российын 100 эн сай сатужо» Программыште кодшо ийлан сеҥышылан «Чай Руси», «Звениговский» шыл комбинат, «Микрак», «Геникс» фирма, «Силикат кермыч завод», «Радакс», «Полаир-Недвижимость», «Марий картонаж мануфактура», «Фарб-М», «Республикысе паша аланыште компетенций рӱдер» ушем- влакым шотлымо. «Марий Элыште наставничествын эн сай практикыже-влак» регионысо конкурсышто сеҥышыш «Чоҥаш», «Красногорскысо автофургон комбинат», икымше номеран кинде завод» ушем- влак лектыныт.
Фото: Марий Элым вуйлатышын администрацийжын увер дене пашам ыштыше пӧлкаже.
