Кугыжаныш архивыш тӱвыра пашаеҥ- влак погыненыт
Республикысе тӱвыра тӧнеж- влак Марий Элын 100 ияш лӱмгечыжлан ямдылалтыт. Марий Элын Кугыжаныш архивыштыже тӱвыра тӧнеж- влакым вуйлатыше-шамычын совещанийышт лийын. Эн ончыч погынышо- влаклан архив мучко экскурсийым эртареныт. Вара шергакан документ- влакым реставрироватлыме мастер-классым ончыктымо, документым цифран йӧныш кусарыме паша ден палдарыме. Архив документ- влакым ончыктышо «Уездный город Царевококшайск» выставкым ончыктымо. Тӱвыра министр Константин Иванов палемден: тенийсе идалык пашалан поян лийшаш- кугу Сеҥымашлан 75 ий , республикылан 100 ий теммым палемдена, «Тӱвыра» калыкле проектым умбакыже шыҥдарена. Тений сымыктыш школ- влаклан семӱзгар-влакым налаш палемдыме. У Торъял районышто модельный книгагудо почылтшаш. Тиде икымше тыгай кигагудо лиеш. Кугыжаныш Архивым вуйлатыше Александр Одинцов архив пашан тӱҥ корныжо- влак нерген каласкален, тӱвыра министрын алмаштышыже Галина Ширяева «Этноузоры» альманахын у выпускшо дене палымым ыштен.
