Росгвардий виктем кодшо ийын шке кумылын сар куралым сдатлыме пашам иктешлен
Республикысе Росгвардий виктем кодшо ийын шке кумылын сар куралым сдатлыме пашам иктешлен. Лицензий да разрешений паша рӱдерын специалистше- влак идалык еда республикысе калык дене документ деч посна аралыме сар куралым, боеприпасым да пудешталт керше веществам шке кумылын оксала сдалтыме шотышто умылтарыме пашам эртарат. Тыге идалык мучко калык тӱжемат 45 боеприпасым, 498 грамм пудешталт кертше веществам, 20 сар-куралым шке кумылын конден пуэн. Нунын коклаште шыма йытыран, нарезной оружий, обрез, газ пистолет да ик боевой пистолет улыт. Мутлан, Медведево район да Волжск ола гыч патрон ден пычалым яра закон почеш сдатленыт. А оксала кондышо- влаклан 91 тӱжем теҥгем тӱлымӧ. Чыла йодышым 45-24-45 номеран телефон дене рашемдаш лиеш.
Фото: Йошкар-ола администрацийын сайтше.
Фото: Йошкар-ола администрацийын сайтше.
