Кылме чер шотышто «шокшо телефон линий» пашам ышташ тӱналын

Кылме чер шотышто «шокшо телефон линий» пашам ышташ тӱналын
Роспотребнадзор виктемын увертарымыж почеш, Марий Элыште икымше гыч 16-шо октябрь марте грипп да ОРВИ черым шижтарыме йодыш дене «шокшо телефон линий» пашам ышта. Кажне йыҥгыртыше еҥлан специалист- эпидемиолог- влак кылме чер ваштареш кучедалме, кушто прививкым ышташ лийме да кузе чын ыштыме, прививкыш могай штамм- влак пурымо, маске дене коштмо нерген умылтарымашым пуат. Ача-ава- влак кузе йочам черланыме деч арален кодымо нерген пален налыт. Илыме верлаште да социал тӧнежлаште температуро режимым эскерыме нерген вашмутым пуат. Йодышым консультаций рӱдерыш 8 800 555 49 43 номер дене сутка мучко йыҥгыртен пуаш лиеш. Тыгак Роспотребнадзор виктемыште 68-19-57 номеран телефон, гигиена рӱдерыште 45-19-33 номеран телефон дене вашмутым пуат. Районлаште илыше- влак Роспотребнадзор виктемын верласе пӧлкашкыже йыҥгыртен кертыт.

Прошлые выпуски