Лисичанск гыч боец каналташ толын
Юрий Зайцев Лисичанск гыч боец дене вашлийын. Марий Элым вуйлатыше Юрий Зайцев лӱмын эртарыме сар операцийыште кредалше Альберт Совков дене вашлийын. Тудо Лисичанскыште служитла, кызыт республикыш отпускыш толын. Юрий Зайцев передовойышто салтак- влаклан мо кӱлеш, илышыште мо ок сите манын йодын. Республике гыч военнослужащий- влак дене эре кылым кучаш тыршем, командир- влак дене мутланем, спецоперацийын участникше- влак дене отпускыш толмышт годым эре вашлияш тыршем, СВО кундемыш шкеат миен коштынам. Жапым мумыланда тау. Мутат уке, тыланда лишыл еҥда- влак дене лийме шуэш, но мыят мемнан рвезе- влаклан мо кӱлешым пален налнем, манын Юрий Зайцев. СВО-н участникше Марий Элым вуйлатышылан полшымыжлан, шке тургыжланымыжлан тауштен. Гуманитар полышым эре конден шогат, грузым ямдылымышт годым подразделенийын кӱлешлыкшым шотыш налыт, манын.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
