СВО-што сусыргышо Марий Эл гыч боец- влаклан ик гана тӱлымӧ окса кугытым палемденыт

СВО-што сусыргышо Марий Эл гыч боец- влаклан ик гана тӱлымӧ окса кугытым палемденыт
            СВО-што сусыргышо Марий Эл гыч боец- влаклан ик гана тӱлымӧ окса кугытым палемденыт. Тидын нерген Указым республикым вуйлатыше пеҥгыдемден. Документ тений 12-шо май деч вара лийше случай- влакым авалта. Оксан кугытшо эмганыме перечень дене келшышын сусыргымын нелытше деч шога. Сар операцийым эртарыме годым службо порысшым шуктышыла салтак сусырген, травмым але контузийым налын гын 500 тӱжем теҥгем пуат. Куштылгын сусырген гын, 150 тӱжем теҥге тӱлалтеш. Перечньыш пуртыдымо сусырым налын гын, 50 тӱжем теҥге пуалтеш. Сусырын нелытшым паша да социал аралтыш министерстве ден Тазалыкаралтыш министерстве рашемдаш тӱҥалыт.

Прошлые выпуски