Черланыше- влакын чотышт ешаралт шога
Таче кечылан республикыштына коронавирус дене черланыше эше 33 еҥ ешаралтын. Тыге тӱшка чотшо 783 еҥыш шуын. Тымарте 458 еҥ эмлалт лектын, эртыше суткаште 14 еҥ черым сеҥен кертын. Чылаже ныл еҥ ӱмыр лугыч лийын. Россий мучко ончалаш гын, 21 тӱжемат 30 утла еҥ эмлалт лектын. Ик суткаште тӱжемат 400 утла еҥ лектын. Россий мучко черланыше- влакын тӱшка чотышт 165 тӱжемат 900 еҥым эртен. Ик тӱжемат 537 еҥ ӱмыр лугыч лийын.
