Самырык мурызо мемнам коден кайыш…
Ойгандарыше увер. Марий калыкын йӧратыме самырык мурызо, музыкант Артур Ефремов илыш дене чеверласен. Кодшо ийын лийше шучко аварий деч вара тудын шодыжлан осложнений лийын. 36 ияш гармоньчо шыжым шке машинаж дене аварийыш логалмыж деч вара Йошкар-Олаште, Чебоксарыште, Москошто эмлалтын, но тиде жапыште эре киен. Вирусан инфекций шодыжым авалтен да мурызын капкылже черым сеҥен кертын огыл. Артур Ефремовым шочмо кундемыштыже- Советский районысо Люперсолаште тоеныт. Тудын пелашыже да кок икшывыже тулыкеш кодыныт. Талантан мурызын ӱмыр лугыч лиймыжлан кӧра, ме шке чаманымашнам каласена.
