Таче- Радио кече
Таче- Радио кече. Кызытсе жапыште радио, телевидений, мобильный кыл илышыштына моткоч кӱлешаныш савырненыт. Нунын деч посна илашат ок лийла чучеш. 7-ше май- тӱнямбалсе шанче да техникын историйышкыже радион шочмо кечыже семын пурен. Лач тиде кечын, 1895-ше ийыште Российысе физик Александр Попов Руш физико-химический обществын заседанийыштыже докладым ыштен да тӱнямбалне икымше гана шке ыштыме радиоприёмникшым ончыктен да радиокылым ыштен. Сандене тиде кече связьын чыла отрасльыштыже тыршыше- влакын пайремышт. Мемнан марий радионат теве ынде 87 ий республикысе калыклан пашам ышта, кажне кечын увер да оҥай деч оҥай передаче- влакым темла. Мемнан коллективна марий радио дене кылым кучышо да ӱшанле йолташ семын колыштшо- влакым тиде пайрем дене саламла да ончыкыжымат пырля лияш ӱжеш. Республикысе моло радиостанцийлаште тыршыше коллегына- влакым да связьын пашаеҥже- шамычым пайремна дене саламлена.
