Йошкар-Оласе калык мӧҥгыштӧ шинчаш кумылан огыл

 Коронавирус шотышто ситуацийым эскерыше увер рӱдер Юл кундем округышто Ковидын шарлыме писылыкшым шымлен. Марий Элыште тудын дене черланымашын эркышнымыж нерген ойлат. Апрель кыдалне кок-кум кече еда кок  пачаш ешаралт шоген, но тылзе мучашлан эркышнен. 21-ше апрель гыч кече еда тудо 10 процент деч шукылан ешаралтын огыл. Тыгай темп дене кок пачаш ешаралтмаш шым кечылан ик гана  да шуэнрак лиеш. Черланымашым умбакыже шагалемдаш манын, еҥ- влак мӧҥгыштӧ улмо режимым чот эскерышаш улыт. Тидыже кызыт иземаш тӱналын. Йошкар-Олаште самизоляцийын индексше теҥгече 1,6 луаш балл гына лийын. Тидыже уремыште калык пеш шуко манмым ончыкта. Таҥастарашлан: Саранск ден Угарманыште кок бал лийын, икмыняр олаште- кум балл утла. Тидыже калыкын  пел чотшо мӧҥгыштӧ шинча манмым ончыкта.

Прошлые выпуски