Республикыште койко-верым да кислородым 100 процентлан ситарыме

Марий Элыште  коронавирус шотышто 22 тӱжемат  700 утла шымлымашым эртарыме. Регион да федерал кӱкшытыштӧ ыштыме мера- влак нерген Россий Кугыжаныш Советын коронавирус ваштареш шогымо шотышто пашаче группыжын заседанийыштыже ойлымо. Тудым Пашаче группым вуйлатыше Сергей Собянин эртарен. Видеоконференц кыл йӧн дене эртарыме заседанийыште Александр Евстифееват лийын. Республикыште койко-верым да кислородым 100 процентлан ситарыме. Чыла медицина организаций- влак инфекционный стационар режимыш кусарыме улыт. Медицина кадрын тӱжемат 208 еҥан резерв составшым ыштыме. Волонтёр- влак штаб пашам ышта, апрель гыч «Корзина добра» регионысо акций почылтын. Илалше, коштын кертдыме, нужнан илыше да шуко шочшан еш- влаклан, ветеран-шамычлан кочкыш сату набор пуалтеш. Республикысе калыклан кочкыш сатум тӱрыс ситарыме, ак шотышто мониторинг эртаралтеш.

Прошлые выпуски