Тимофей Евсеев лӱмеш тоштер у ончерым темла
Тимофей Евсеев лӱмеш калыкле тоштерын сайтыштыже «Фронтысо портрет. Салтакын пӱрымашыже» мультимедий ончер почылтын. Тудым тоштерын партнёржо- Москосо Сеҥымаш тоштер пуэн. Ончерыште Сеҥымаш Тоштерын фондшо гыч графика паша- влак ончыкталтыт. Кычалше- влакын кычал мумо салтак- влакын портретыштым калык ончыко лукмо. Фронтысо сӱретче- влакын 43 пашаштым ужаш лиеш. Выставке икымше июль марте пашам ышта.
