Ныл самырык амалкалче республикын чапшым федерал кӱкшытыштӧ арала

Ныл самырык амалкалче республикын чапшым федерал кӱкшытыштӧ арала
Республикыштына кажне ийын «Российын самырык амалкалчыже» Эл кӱкшытан конкурсын регионысо йыжыҥже эртаралтеш. Тений тудо 26-шо сентябрь гыч 1-ше октябрь марте шуйнен. Конкурсыш 20 йодмаш пурен. Очный аралымашке 16 еҥ пурталтын. Конкурсын йодмашыж почеш, таҥасыше- влак шке бизнесышт нерген каласкаленыт. Нуным амалкалче инициативе, виктарен моштымаш, у йӧным кучылтмаш, бизнесын социал кӱлешлыкше, окса лектыш, таҥасен кертмаш, бизнесын ончыкылыкшо критерий- влак дене акленыт. Нуно Полыш сфера, Интернет предпринимательстве, Производство да Ужалкалымаш номинацийлаште проектыштым ончыктеныт. Российысе конкурсын финалышкыже фитнес-рӱдерым вияҥдыме проект дене Анастасия Одинцова, маркетинг агентствым ыштыше Нина Махмутова, йоча мебельым ыштыме проект дене Ваня Зимин, технике кевытым кучышо Ислам Мухаматов лектыныт. Финалист- влак Марий Элын чапшым федерал кӱкшытыштӧ Озҥыште ноябрьыште аралаш тӱҥалыт.

Прошлые выпуски