Шушаш ийын олаште могай верым тӱзаташ?- темлымашым ыштыза
Октябрь мучаш марте Йошкар-Оласе калык олам тӱзатыме шотышто шке темлымашыжым каласен кертеш. Тидлан тӱшка каҥашымашке ушнаш да шонымашым каласаш лиеш. Йошкар-Ола «Кызытсе жаплан келшыше йӧнан оласе кумдыкым ыштымаш» программым умбакыже шыҥдара. Кызыт площадь, йолын коштмо вер, тротуар, бульвар, урем, эҥер сер, парк, сквер- влакым тӱзатыме шотышто темлымаш- влакым чумырат. Шке ойым ола администрацийыш миен каласаш, электрон почто дене колташ лиеш. Темлыше еҥын лӱмнерже, кушто илыме верже ончыкталтшаш, тӧрлаш темлыме верым умылтарымаш лийшаш. Йодыш лектеш гын, 64-14-57 номеран телефон дене йыҥгырташ лиеш.
