Йошкар-Оласе пашавер рӱдерыште 913 еҥ пашам вуча

Йошкар-Оласе пашавер рӱдерыште 913 еҥ пашам вуча
Йошкар-Оласе пашавер рӱдерыште кызытсе жаплан 913 еҥ учётышто шога. Паша рынкыште сӱретын могайрак улмыжо нерген мэрийыште умылтарымашым пуэныт. Учётышто шогышо 913 еҥ гыч, пашадымыже 664 еҥ. Кодшо ийын 787 еҥ лийын. Январь гыч сентябрь марте 11 тӱжемат 500 утла вакансийым увертарыме. Кодшо ийын шагалрак лийын. Базыште улшо кок тӱжемат 900 утла вакансий гыч кок тӱжемат 14-ше паша профессий дене улыт. Олаште могай пашазе- влак утларак йодмаш дене пайдаланат? Тиде - тӱрлӧ врач, менеджер, страховой агент, инженер, суд пристав, медшӱжар, кладовщик, продавец- влак. Пашазе профессий гыч бетонщик, арматурщик, водитель, электрогазосварщик, повар, стропальщик, оролышо, пекарь, слесарь, каменщик да молат. Посна шинчымаш деч посна арулыкым эскерыше, полышкалыше пашазе, сборщик, корно, кухньо пашазе, грузчик, санитарке, дворник кӱлыт. Тений идалык тӱналтыш гыч пашавер рӱдерын полшымыж дене кок тӱжемат 600 утла еҥым пашаш пуртымо. 138 еҥым у пашалан тунемаш колтымо. Пенсий ийготыш лишем толшо 295 еҥ шинчымашым налаш йодмаш дене миен. Тушечын 252 еҥже тунемаш тӱҥалын.

Прошлые выпуски