Марий Эл Юл кундем округышто искусственный интеллектым эн ончыч кучылташ тӱҥалше регион- влак кокла гыч иктыже

Марий Эл Юл кундем округышто искусственный интеллектым эн ончыч кучылташ тӱҥалше  регион- влак кокла гыч иктыже
            Марий Эл Юл кундем округышто искусственный интеллектым эн ончыч кучылташ тӱҥалше  регион- влак кокла гыч иктыже. Искусственный интеллект, цифран да ESG-трансформаций технологийым вияҥдыме аланыште келшыше соглашенийым Марий Элым вуйлатыше Юрий Зайцев ден Сбербанк ПАО-н Марий Элысе пӧлкажым виктарыше Максим Бауков пеҥгыдемденыт. Документ регионышто кучылташ лийше качестван ончыл технологий ден сервисым ышташ манын вашкылым пеҥгыдемдаш виктаралтын. Российыште искусственный итнтеллектым чолган вияҥдаш Российын Президентше Владимир Путин ӱжын ойлен. Тудын шонымыжо почеш у технологий- влак илышын чыла шӧрынышкыжат шыҥат: производствыш, социал сферыш, шанчыш да эсогыл тӱвырашкат. Июньышто Марий Элым вуйлатыше дене пырля Йошкар-Олаште исполнительный кучем  да верысе самоуправлений органлам вуйлатыше- влак дене регионым цифран йӧныш кусарыме теме дене мероприятийым эртарыме. Тушто тыгай технологийым Марий Элыште кучылтмо корно- влакым каҥашыме. Тудын почеш ныл проектым ямдылыме. Марий Элым вуйлатыше «Российын Сбербанкше» дене кылым вияҥдыме план нерген да кучем органын да моло сферын пашашкышт искусственный интеллект технологийым шыҥдарыме нерген каласкален. Максим Бауков палемден: Марий Элым вуйлатышын шке позицийжылан кӧра Республике Юл кундем округышто ик эн ончыч искусственный интеллект аспектым илышыште кучылташ тӱҥалын.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски