Шочмын уло элна Российын кечыжым палемда

Шочмын уло элна Российын кечыжым палемда
           Шочмын уло элна Российын кечыжым палемда. Тиде кӱлешан Кугыжаныш пайрем дене республикысе калыкым Марий Элым вуйлатыше, Правительствын Председательже Юрий Зайцев саламла. Российын кечыже- эрыкым, элнан эрыкан улмыжым, тудын тӱҥ шӱм-чон да тӱвыра поянлыкшым ончыкта, калыкнан геройло эртыме илышыжым ушештара. Российысе калыкын икоян да чак улмыжо, тукым гыч тукымыш йӱлам кусарен толмаш кеч-могай жапыштат лекше нелылыклан вашешташ, тӱжвал да эл кӧргысо лӱдыкшылан ваштареш шогаш полша. Кызыт Российлан уэш нацизм ваштареш кредалаш, Донбассысе тыныс калыкын праважым аралаш логалеш. Марий Элысе калык шкенжын пашам йӧратымыже, лектыш верч тыршымыже дене Элнам вияҥдымашке, пеледшым ыштымашке кугу надырым пышта. Российын кечыже- шочмо республикынан, Элнан эртыше, кызытсе да ончыкылык жапышт нерген шоналташ эше ик амал. Ӱшанем: ончылно мемнам у сеҥымаш, вашталтыш, уэммаш- влак вучат. Тазалыкым, улан илышым да пайрем кумылым тыланем,- ойлалтеш Республикым вуйлатышын саламлымашыштыже.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски