Шоя-Кузнецовышто вӱдым ситарыме да йоктарен колтымо сетьым чоҥат

Шоя-Кузнецовышто  вӱдым ситарыме да йоктарен колтымо сетьым чоҥат
          Шоя-Кузнецовышто  вӱдым ситарыме да йоктарен колтымо сетьым пужен ыштат да чоҥат. «Водоканалын» ончыктымыжо почеш проектын акше 15 миллион теҥгем эртен. Паша шуко тыршымашым йодеш. Проект да смете документацийым гына ямдылаш 8 тылзе каен. Шымлыме пашам да кутырен келшымашым «Марийскграждан проектын» специалистше- влак дене пырля ыштыме. Объектыште кызыт кокымшо йыжыҥжым тӱналме. Тушко у артезиан скважиным шӱтымаш, 650 метр утла вӱд пучым шупшмаш, у канализаций насос станцийым чоҥымаш пура. Тиде пашажым ноябрьлан мучашлаш шонат. Таче кечылан 242 метр вудпучым пыштыме, гидравлик тергымашым эртарыме. Скважинымат буритлыме. Вӱдым 108 метр келгытыште верештме. Тушеч налме вӱдым экспертизыш пуымо. Июньышто вӱд пучым умбакыже шупшыт да насос станцийым чоҥаш тӱҥалыт.
           Фото: «Водоканал» МУП.

Прошлые выпуски