Сочи олаште «Евразий- мемнан пӧртна» Тӱнямбал выставка эрта
Сочи олаште кумшо Евразий конгресс, Евразий правительство- влак кокласе советын, СНГ элласе правительстве вуйлатыше- влакын да Евразий конгрессын советышт кышкарыште «Евразий- мемнан пӧртна» Тӱнямбал выставка эрта. Тудо калыкым «Сириус» шанче да сымыктыш Паркышке поген. Тушто республикысе предприятийлан стендыштым Марий Элым вуйлатыше Юрий Зайцев ончен лектын. Нуно ял озанлык да туризм аланыште республикын экспорт куатшым ончыктат. Российын экономик вияҥмапш министрже Максим Решетников Элнан премьер- мнистрже Михаил Мишустинлан Марий Элын «Яндар йӱкан кӱсле кундем» бренд маршрутшым ончыкылыкан турист корно семын презентоватлен. «Яндар йӱкан кӱсле кундем» маршрут Беларусь- Марий Эл интеграций маршрутым ышташ негыз лийын. Лишыл жапыште Беларусьын тур индустрийжын еҥже- влаклан Марий Элыш увер турым ямдылыме лиеш. Республикысе агропромышленный комплексын предприятийже- влак Россий ял озанлык министерствын «Кочкыш сату шотышто лӱдыкшыдымылык» кугу экспозицийышкыже пуреныт. Ял озанлык министр Андрей Кондратенко Юрий Зайцевлан каласкален: ял озанлык предприятий- влакын продукцийышт толшо- влакын кумылыштым савыра. 2022-шо ийыште Марий Эл сатум экспортыш колтымо дене планым кок пачаш темен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
