Йошкар-Олаште фигурнын мунчалтымаш дене Россий кӱкшытан таҥасымаш- влак эртеныт

Йошкар-Олаште фигурнын мунчалтымаш дене Россий кӱкшытан таҥасымаш- влак эртеныт
             Йошкар-Олаште 13-шо гыч 15-ше январь марте фигурнын мунчалтымаш дене пӧръеҥ да ӱдырамаш- влак коклаште «Российын кубокшын» нылымше йыжыҥже да синхрон мунчалтымаш дисицплине дене ӱдыр да рвезе- влак коклаште «Марий вашлиймаш- влак» Россий кӱкшытан таҥасымаш- влак эртеныт. Марий Элыш 42 регион гыч 46 команде толын. Спорт таҥасымаште чылаже тӱжемат 200 спортсмен ӱчашен. Спортсмен да нунын тренерыштым саламлаш Марий Элым вуйлатыше Юрий Зайцев миен. Республикыште тыгай таҥасымашым эртараш мыланна- пиал. Кум кече жапыште ме моторлыкым, чаткалыкым, чын таҥасымашым ужна. Мый уло кумылын таҥасымашым ончышым да тагаяк кумыл дене наградым кучыктем,- каласен Юрий Зайцев. Россий кӱкшытан «Марий вашлиймаш-влак» таҥасымашыште икымше верым спорт мастерыш кандидат- влак коклаште Санкт-Петербург гыч «Санрайз-1», кокымшым Татарстан гыч «Идель», кумшо верым Свердловск область гыч «Юность-юниоры» команде- влак налыныт. Россий кубкын 4-ше йыжыҥыштыже спорт мастер категорийыште икымше верым Санкт-Петербург гыч «Парадиз» команде, кокымшым «Татарстан», кумышым Моско гыч «Кристал Айс» налыныт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски