«Марий Элысе промышленностьым вияҥдыме фонд: цель, задаче да ончыкылык» теме дене йыргешке ӱстел эртен
Республикысе экономически вияҥмаш министерстве Торгово-промышленный палата да ВТБ банк дене пырля Юлтехын площадкыштыже «Марий Элысе промышленностьым вияҥдыме фонд: цель, задаче да ончыкылык» теме дене йыргешке ӱстелым эртарен. Тиде фондым Республикым вияҥдыме индивидуальный программым шыҥдарыме кышкарыште тений сентябрьыште ыштыме ыле. Фонд тӱрлӧ источник гыч 2024-ше ий марте 450 миллион теҥгелан пойдаралтшаш, тушечын тений 50 утла миллион погынышаш. Промышленностьым вияҥдыме фонд республикысе организаций- влаклан кум але вич процент дене визыт гыч 30 миллион теҥге марте вич ий марте жаплан кредитым пуаш тӱҥалеш. Промышленность министр Станислав Крылов погынышо- влакым фондын пашаж дене палдарен. А кредит организацийын еҥже- влак шындарыме программе- влак нерген каласкаленыт. Фондын пашаж нерген тичмаш уверым экономичсеки вияҥмаш министерствын порталыштыже муаш лиеш.
