Марий Элыште 850 еҥым у пачерлашке кусарат
Марий Элыште 850 еҥым у пачерлашке кусарат. Пачер- влак 13 у пӧртыштӧ верланат. Кызыт республикыште 12 у пӧрт нӧлталтеш. Нуно лач тошто пӧртла гыч кусарыме еҥ- влаклан лийыт. Эше ик шуко пачеран пӧртым февральыште Оршанке районышто пашаш колтымо. 13 у пӧртыштӧ 858 еҥлан 339 пачерым ойырымо. Шошым Оршанке районышто тошто пӧртла гыч 28 еш кусна. Волжскышто аварийный илемлаште илыше- влаклан 36 пачерым палемдыме. Тудым сентябрь мучашлан сдатлышаш улыт. Кеҥежым 15 пачерым Йошкар-Оласе калык налеш. Октябрьыште Козьмодемьянск гыч 24 еш у илемыш кусна. Кок у пӧртым Волжский районысо Шарачаште нӧлтат. Нуным кеҥеж тӱҥалтышыште да октябрьыште ыштен шуктышаш улыт. Шернурыштат кок пӧртым 31 пачерлан да 32 пачерлан чоҥат. 63 еш октябрьыште шке илеман лийшаш. Марий Турекысе 66 ешлан тыгак у пӧртым чоҥат. Тудым августышто шуктышаш улыт. Тений идалык мучаш марте Куженер, Морко, У Торъял да Параньга районласе тошто пӧртла гыч 70 наре еш у пачерыш илаш пурышаш.
