Медицина вузлаш тений 107 ӱдыр-рвезым тунемаш колтымо

Медицина вузлаш тений 107 ӱдыр-рвезым тунемаш колтымо
Тенийсе приёмный кампанийын лектышыже почеш, Марий Эл гыч медицина вузлаш тунемаш 107 еҥым колтымо. Тидыже ончычсо ийла деч шукырак. Кодшо ийын- 46, 17-ше ийыште- 87, 16-шо ийыште 103 еҥым колтымо ыле. Ӱдыр рвезе- влак Ижевск, Озаҥ, Киров, Угарман, Чуваш вузлам да Марий университетым ойырен налыныт. Минздравын увертарымыж почеш, тенийсе ий гыч регион- влаклан целевой вер ок ойыралт. Сандене Марий Элысе тазалыкаралтыш министрестве дене ойпидышым ыштыше абитуриент- влак моло кундемласе иктаҥашышт дене пырля целевой конкурс гоч эртеныт. Медвузлам тунем пытарыше- влак кокла гыч тений 35 еҥым ординатурыш тунемаш налме.

Прошлые выпуски