Оксала модмашым эртарыше- влакым условно судитленыт

Оксала модмашым эртарыше- влакым условно судитленыт
Йошкар-Оласе ола суд закондымын модмашым ямдылыше да эртарыше кум еҥлан титаклыман приговорым луктын. Рашемдыме: нуно кодшо ийын апрель гыч тений январь марте Йошкар-Олаште да Звениговышто азарт дене модмашым эртареныт. Кандаш пӧлемыште компьютер оборудованийым вераҥденыт. Тушко чыла еҥат пурен кертын огыл. Тиде модмо вер- влакын ыштыме жапыште тиде тӱшка 7 миллионат 500 тӱжем теҥгем ыштен налын. Нунын осал пашаштым правам аралыше органын сотрудникше- влак пален налыныт. Суд нуным титаканлан шотлен да ик ият 10 тылзылан условно эрык деч посна кодаш ыштен да кок ийлан тергыме жапым палемден. Кокытшылан 144 да 192 тӱжем теҥге штрафым тӱлыкташ пунчалын.

Прошлые выпуски