Йошкар- Олаште у пачерлан ак шулдырак лийын
Российысе 60 олаште у пачер- влаклан ак кушкын, Йошкар-Олаште тудо изиш шулдештын. Эксперт- влак Российысе 72 кугу олаште шымлымашым эртареныт. Ик квадрат метрын акше кум тылзе жапыште кум утла процентлан кушкын. Эн чот Химки олаште шергештын- 14 процентлан, Нижний Тагилыште утларак шулдештын- кок тичмашат 8 луаш процентлан. Шулдештмаш 11 олаште гына палдырнен. Нунын коклашке Йошкар-Олат пура. Мемнан дене июньышто квадрат метр 38 тӱжемат 184 теҥге лийын, сентябрьыште 38 тӱжемат 50 теҥге. Йошкар-Ола тӱшка рейтингыште 66-шо верым айла. Таҥастарашлан: Моско олаште чоҥымо у пӧртлаште квадрат метр 237 тӱжемат 631 теҥге, Санкт-Петербургышто 126 тӱжемат 544, Озаҥыште 82 тӱжемат 155. Чебоксарыште 45 тӱжемат 476 теҥге.
