Тӱнямбал фтизиатр службын эн уста специалистше
Медшӱжарлан пашам ыштыше Полина Волкова теният тӱнямбал фтизиатр службын эн уста специалистше- влак радамыш логалын. Тудлан дипломым да ойыртемалтше палым кучыктеныт. Тудо Саратов медучилищым тунем пытарымек, областьыште районысо эмлыме верыште 8 ий пашам ыштен. Вара ешыже Йошкар-Олаш илаш куснен. Тыште тудо республикысе туберкулёз ваштареш кучедалше диспансерын терапевт пӧлкаштыже медшӱжарлан ышташ тӱҥалын. Вашке кугурак медшӱжарын дублёржо лийын, 2002-шо ий гыч тӱҥ медшӱжарлан шогалтеныт. Профессионал паша деч посна мер пашамат ятыр шукта. 2007-ше ийыште фтизиатр корно дене тӱняште эн сай медшӱжар лӱмым налын. 2011-ше ийыште Кугыжаныш Думыш депутатлан кандидат- влакын праймеризыштышт участвоватлен. Вара Общероссийский калык фронтын регионысо штабшын сопредседательже лиеш, умбакыже Владимир Путинын ӱшан еҥже лӱмым налеш. Мер паша профессионал корнылан нимынярат чаракым ыштен огыл. Тудын икымше гана туберкулёз черым рашемдыман еҥ- влакым эмлаш лийме нерген пациент- влакым палдарыме методикыжым эн сайлан шотлымо. Тыге тений Полина Петровна уэш тӱнямбал фтизиатрий службын ончыл специалистше- влак радамыш пурен.
