Кок ий гыч республикысе чыла школ писе интернет дене пайдаланаш тӱҥалеш
«Туныктыш» да «Цифран экономика» калыкле проект почеш республикыште 63 школ ден техникумым писе интернет деке ушымо пашам мучашлат. Тиддеч посна 2021-ше ий мучаш марте нине проект- влак кышкарыштак республикысе моло школ ден профессионал туныктымо тӧнеж- влакым сеть деке ушен шуктышаш улыт. Оласе школ- влакын сеть деке ушнымо скоростьышт секундышто 100 мегабит, ялысе школ- влакын 50 мегабит. Тидыже тунемме тӧнеж- влакын пашаштым кызытсе электрон йӧныш кусараш, виртуал книгагудо, лӱмлӧ туныктышо- влакын лекцийышт, конкурс ден олимпиадылашке ушнаш да электрон журнал ден дневник- влакым шыҥдараш йӧным пуа. Школ- влакым интернет деке ушымо икымше толкын республикыште 2006-шо 2007-ше ийлаштак тарванен ыле. но кӱлеш семын вияҥын шуын огыл. Теве ынде сай могырыш вашталтмаш коеш.
