Эше ик тӱвыра пӧрт у тӱсым налын

Эше ик тӱвыра пӧрт у тӱсым налын
Теҥгече Морко районысо Красный Стекловар посёлкышто пужен ыштыме да капитально олмыктымо деч вара тӱвыра пӧртым торжественно почмо. Тиде «Тӱвыра» калыкле проектын «Тӱвыра кумдык» регионысо программыж кышкарыште олмыктымо вич тӱвыра пӧрт гыч иктыже. Олмыктымо пашалан вич миллион утла теҥге оксам ойырымо ыле. Тиде окса дене чердакан леведышым ыштыме, окна ден омса- влакым вашталтыме, тӱжвал да кӧргӧ пырдыжым уэмдыме, тӱҥ пурымо верым олмыктымо. Тыге верысе калык да йоча- влаклан мероприятийым эртараш да кружоклаш кошташ сай йӧным ыштыме. Пайрем мероприятийыш тӱвыра министр Константин Иванов, район администрацийым вуйлатыше Александр Голубков да молат миеныт. Торжественный ужаш деч вара верысе артист- влак мотор концертым ончыктеныт.

Прошлые выпуски