МарГУ Москосо университетын партнёржо лийын
Марий Кугыжаныш университетым элысе ик вӱдышӧ технический вузын- Москосо физико- технический университетын (калыкле шымлыше университетын) партнёржылан ойырымо. Сентябрь гыч республикын опорный вузыштыжо магистр-студент- влаклан «Пӱртӱс, техногенный, физический средам тӱрлӧ велым эскерыме системе да технологий- влак» ончыл туныктымо программе шыҥдаралташ тӱҥалеш. Тений ноябрьыште Марий университет Российысе шанче да кӱшыл шинчымаш министерствын конкурсыштыжо участвоватлен да сеҥыше- влак радамыш логалын. Тыге «Увер системе да технологий- влак» корно дене тунемме программым ышташ да шыҥдараш 10 миллион теҥге грантым сеҥен налын. Шушаш ийын сентябрь гыч радиофизикым тунемаш кумылан икымше 20 талантан студент Москосо институтын вӱдышӧ преподавательже- влак дене ӧрдыж гыч туныктымо у программе дене тунемаш тӱналыт. Тидеч посна университет негызеш кадет класс- влакым почаш палемдыме. Тидыже МарГУ-н Российысе военный туныктымо тӧнеж- влак дене кылым кучымыжлан кӧра лийын кертын. Республикын кадр поянлыкше ситыше. Элысе вӱдышӧ вуз- влак дене кылым кучымыжо, школ, кыдалаш профессионал шинчымашым пуышо, университет да производство дене пырля у профориентаций модельым ышташ йӧным пуа.
