Мый бизнес дене пашам ышташ ямде улам, - каласен Юрий Зайцев

          Марий Элым вуйлатышын пашажым шуктышо Юрий Зайцев изи да кыдалаш предпринимательствын еҥже- влак дене вашлиймашым эртарен. Тудо тургыжландарыше йодыш- влакым каҥашаш да правительствын, министерстве ден ведомствылан полшымышт дене нуным виктарен колташ темлен. Кӧн могай планже, шонымашыже, мом илышыш шыҥдарымыже нерген палаш шонымаш дене чумыргымо. Мый бизнес дене пашам ышташ ямде улам, манын тудо. Ончыкыжым тыгай вашлиймаш чӱчкыдын эрташ тӱҥалеш.
          Амалкалче Виктор Василенко микрозаймын эн кугу кугытшо кузе вашталтшаш нерген йодын. Законопроект Кугыжаныш Думышто ончымаште улеш. Тудын кугытшо кок миллионлан кугемшаш манын вашештыме. Бизнесын еҥже- влак рӱдӧ олаште йӱр вӱдым йоктарен колтымо системын ситыдымыже нергенат ойленыт. Чоҥымаш министрын мутшо почеш сетьым вашталташ проект да смета документацийым ямдылыме. Паша шергакан. Сандене икмыняр йыжыҥ дене шукталташ тӱналеш манын.
           Погынышо- влак социал амалкалче- влаклан грант полыш, шкалан шке пашам ситарыше- влаклан, экспортлан полыш, пушеҥгым ужалыме да моло йодышлан вашмутым налыныт. Ласкан мутланымаште пашаште лекше тӱрлӧ нелылык нерген ойлымо, могай ужашыште кучем бизнеслан полышым пуэн кертме нерген йодыш- влакым каҥашыме.
             Фото: Марий Элым вуйлатышын организаций да аналитик виктемже.

Прошлые выпуски