Йошкар-Олаште телылан кум тӱжем тонн ошма да шинчал вартышым шапашлыме

           Йошкар-Олаште телылан кум тӱжем тонн ошма да шинчал вартышым шапашлыме. Кызыт тыгак лумым эрыктыше техникым да реагент- влакым ямдылат. Ойпидыш почеш чылаже 11 тӱжем тонн ошмам да тӱжемат 300 тонн шинчалым кондышаш улыт. Шыже- теле жаплан 23 процент телымсе спецтехнике ямде. Молыжо кызыт кеҥежымсе комплектаций дене пашам ышта, вара тудым телылан келыштарат. Октябрьыште пижыктыман навесный оборудований дене кок тракторым кондышаш улыт. Тыгай оснащений дене тракторым кеҥежымат, телымат кучылташ лиеш. Кеҥежым газонысо шудым солен тыгыдемда, телым лумым эрыкта.

Прошлые выпуски