Республикыштына йӱдвел коштмаш дене кокымшо чемпионатын сеҥышыже- влакым рашемдыме

           Республикыштына  йӱдвел коштмаш дене кокымшо чемпионатын сеҥышыже- влакым рашемдыме. Кодшо шуматкечын «Корта» базыште «йӱдвел коштмаш» дисциплине дене спорт турзмын Марий Элысе кокымшо чемпионатше эртыш. Таҥасымашке кандаш команде ушнен. Тиде «Йолгорно» рӱдер, йӱдвел коштмаш федераций, «Азимут» йоча да самырык- влак рӱдер, сарын ветеранже- влакын республикысе клиник госпитальыштын «Звезда» командыже, «Акашево» сурт кайык фабрике, «Йола» агрохолдинг, У Торъял районын командыже. Стартыш чылаже 64 еҥ лектын. Трассын кужытшо вич меҥге лийын. Личный первенствыште икымше верым пӧръеҥ- влак коклаште «Йола» команде гыч Леонид Суворов, ӱдырамаш- влак коклаште йӱдвел коштмаш федераций гыч Татьяна Рыбакова налыныт. Команде- влак коклаште икымше верыш «Азимут» ДЮЦ, кокымшыш «Йола» агрохолдинг, кумшыш «Акашево» сурткайык фабрике лектыныт.
        ФОТО: Добровольный физкультура ушемын пресс-службыжо. МариМедиа. 

Прошлые выпуски