Юрий Зайцев кодшо арня мучашыште Йошкар-Оласе у магистраль дене транспортлан корным почын

               Юрий Зайцев кодшо арня мучашыште Йошкар-Оласе у магистраль дене транспортлан корным почын. Магистральын икымше ужашыже Ленин проспект ден Луначарский уремым ушен. Ынде шуко еҥ илыман малыме район гыч олан промышленный ужашышкыже пробко деч посна писынрак миен шуаш лиеш, а тудыжо олан рӱдыжӧ деч тораште огыл верланен. Пашам график деч ончылгоч шуктымо. 2024-ше ий марте регионысо сетьын 50 процент корныжым, Йошкар-Ола агломерацийын 85 процентшым да федерал корнын 85 процентшым норматив марте шуктымо лиеш. Лектыш кызытак коеш. Тиде але икымше ужаш гына, паша умбакыже шуйна.
             Фото: Марий Элым вуйлатышын организаций да аналитик виктемже.

Прошлые выпуски