9-ше да 11-ше класслам тунем пытарыше- влаклан Кугыжаныш иктешлыше аттестацийым эртараш ешартыш жапым пуымо
Визымше сентябрь гыч 9-ше да 11-ше класслам тунем пытарыше- влаклан Кугыжаныш иктешлыше аттестацийым эртараш ешартыш жапым пуымо. Экзаменым ешартыш жапыште тӱҥ жапыште аттестацийым эртыдыме да аттестатым налдыме еҥ-влак эртат. Тушко 30 еҥ возалтын. Математике дене ЕГЭ-м возалтше 29 еҥ гыч 21-ыже эртен. Руш йылме дене таче 9 еҥ шинчымашым терген. А ешартыш жапыште тӱҥ кугыжаныш экзаменыш 589 еҥ возалтын. Визымше сентябрьыште математике дене 460 еҥ участвоватлен, руш йылме дене теҥгече 180 еҥ. 12-шо сентябрьыште физике дене 23, биологий дене 59, историй ден 11, географий дене 292 еҥ шинчымашыжым уэш терга. А 15-ше сентябрьыште химий дене 17 выпускник, информатике дене 76, англичан йылме дене 5, обществознаний дене 249, литература дене 4 еҥ экзаменыш возалтын. 20-шо гыч 24-ше сентябрь марте ешартыш жапын резерв кечыже- влакым палемдыме. Тушто экзаменыш миен кертдыме да начар отметкым налше- влак уэш эртышаш улыт.
