Юрий Зайцев «Мы ВМЕСТЕ» Тӱнямбал премийын регионысо йыжыҥыштыже сеҥыше- влак дене вашлийын

             Марий Элым вуйлатышын пашажым шуктышо Юрий Зайцев «Мы ВМЕСТЕ» Тӱнямбал премийын регионысо йыжыҥыштыже сеҥыше- влак дене вашлийын да сулен налме дипломым кучыктен.  Мылам пеш куанле шке нелылыкым ончыде моло еҥ- влак верч илыше- влак коклаште лияш, каласен тудо.  Моло- влаклан проектым шыҥдарет, волонтёр семын тыршет- тиде пеш кугу паша. Тидлан илышым пӧлеклаш кӱлеш, тиде тендан илышдан ужашыже, тиде еҥ- влаклан чын полыш. Кугу тау тыланда.
            Регионысо йыжыҥыште сеҥыше- влак дене мутланышыла Марий Элым вуйлатышын пашажым шуктышо палемден: республикыште кызыт добровольчестве толкын чулымын вияҥеш. Тудо добровольчестве паша дене Россий мучко ончыл организаций- влак радамыш пура. Добровольчестве рӱдер- влак Волжск ден Козьмодемьянскыште, Звенигово, Медведево, Морко, Советский, Шернур районлаште пашам ыштат. Марий университет негызеш «ший ийготан» добровольчествын республикысе рӱдержым почмо. Инициативылан полшаш 2019-ше ий гыч республикым вуйлатышын грантшым палемдыме. Тиде жапыште социал кӱлешан 53 проект полышым налын. Кодшо ийын «МЕ пырля» премийлан доброволец- влак 180 йодмашым пуэныт, тений -239-ым.
             Икымше октябрь марте регионышто сеҥыше- влак полуфиналын заданийжым шуктат. 15-ше октябрь гыч 5-ше ноябрь марте конкурсын финалже лиеш. Сеҥыше да финалист- влакым доброволец- влакын Тӱнямбал форумыштышт 5-ше декабрьыште палемдаш тӱналыт. Дипломым кучыктымо деч ончыч Юрий Зайцев палемден: республикысе толкынын кугу ончыкылыкшо уло. Икымше верлан дипломым тӱрлӧ номинацийыште 11 еҥлан кучыктымо.
             Фото: Марий Элым вуйлатышын организаций да аналитик виктемже.

Прошлые выпуски