Пектубай селашке газ толын

            Пектубай селаште илыше тӱжем наре еҥын суртышкыжо газ толын. Газым чӱктымӧ официальный церемонийыште Юрий Зайцев ден Сергей Табачук лийыныт. Посёлко- влак кокласе 17 меҥге кужытан газпучым тений чоҥымо. Эше лу меҥге кужытшо посёлко кӧргысо изи куатан пуч. Тыге канде тул деке 194 пӧртым ушат. Тушто тӱжем утла еҥ ила. Тыгак кыдалаш школ, йоча сад, тӱвыра пӧрт, книгагудо, йоча сымыктыш школ, ФАП, психоневрологий интернат-пӧрт газ дене пайдаланаш тӱҥалыт. Юрий Зайцев калыкым тиде вучымо кече дене саламлен да каласен: республикыш газым ситарымаш 84 наре процентыш шуын. Россий мучко  72 процентыш лиеш. А У Торъял районын 80 процент илыме фондшылан газым ситарыме. 2024-ше ий марте эше 13 ялыште 250 суртыш канде тулым пурташ палемдыме. Идалык мучаш марте посёлкыла кокласе газ пучым Советский да Оршанке районлаште чоҥымо лиеш. Юрино ден Килемар районыш пурташ тӱҥалына. 2025-ше ий марте республикым газ дене оҥго семын авалтыме лиеш,- каласен Юрий Зайцев.
             Фото: Марий Элым вуйлатышын организаций да аналитик виктемже.

Прошлые выпуски