У Торъялыште кужун чоҥалтше ФОК-ым ыштен пытарат

            У Торъялыште кужун чоҥалтше ФОК-ым ыштен пытарат. Физкультура да тазалыкым пеҥгыдемдыме комплексым  лу утла ий ончыч чоҥаш тӱналме ыле, но паша чыгынен шогалын. Объектым мучашлаш «Спорт- илышын нормыжо» федерал проект полшен. Тений пашам мучашлаш 192 миллион теҥге колталтеш. Чылаже шуктымо пашам шотыш налын объектын акше 260 миллион теҥгем эрта. Марий Элым вуйлатышын пашажым шуктышо районыш мийымыже годым объектым ончен савырнен. Чоҥымаш министр Михаил Степанов каласен: тачысе кечылан объектым 70 процентлан шуктымо. Лекше йодыш верыштак виктаралтеш. Юрий Зайцев чоҥымо жапым эскераш задачым шынден да верысе калыкын йодмашыже дене пайдаланаш тӱҥалеш манын ӱшаным каласен.
             Фото: Марий Элым вуйлатышын организаций да аналитик виктемже.

Прошлые выпуски