Шушаш ийын икымше гана цифран йӧн дене калыкым возен налмаш лиеш
Республикына икымше гана цифран йӧн дене калыкым возен налмашлан ямдылалтеш. Тудо шушаш ийын эрта. Перепись тӱҥалмешке 366 кече ончыч икымше октябрьыште Москошто эртыше пресс-конференцийыште увретарыме: калыкым палдарыме да умылтарыме пашам тӱҥалме. Чыла еҥ Кугыжаныш полыш порталыште шкаланже да ешыжлан перепись лаштыкым шке возен кертеш. Интернет переписьым кӱсен телефон але планшет полшымо дене, тыгак «Мыйын документем- влак» рӱдерыште эрташ лиеш. Тидлан кугыжаныш полыш офислаште посна пашаче вер- влакым ямдылат. Тыгай технологийым кодшо ийын кучылт ончымо. Переписьыш ушнен ончышо 95 процент еҥ тыгай йӧным сайлан шотлен. Интернетыш ушнаш чыла вере йӧн укелан кӧра, переписчик- влак планшет дене пӧрт еда кошташ тӱналыт. Тиде сомыллан Росстат 360 тӱжем планшетым лӱмын налеш. Марий Элысе переписчик- влаклан октябрьыште тӱжемат 229 портфель толын. Тушто планшет да документ- влак аралалташ тӱналыт. Переписьын бюджетше 33 миллиард теҥгеш шуэш. Тушечын пелыже пашадарлан тӱлаш, чырык ужашыже ай-ти технологийлан кая.
