Корным олмыктымо паша чыла вережат воранен ок тол

Корным олмыктымо паша чыла вережат воранен ок тол
Рӱдолаште да моло верлаште илыше- влак ужыт: калыкле проект почеш, корно- влак уэмыт, вашталт шогат. Но чыла вере огыл. Мутлан, Шойбулак-Цибикнур- Тумер корным налаш. Тушто пашам тӱҥалме, а вара тудын нерген йӧршын монденыт. Верысе калыкын мутшо почеш, технике тушко майын кокымшо пелыштыже миен: кушкыл- влакым руымо, корно ӱмбалым нӱжен налме, кошташ чарыше блокым шогалтыме, тыгыде кӱм кондымо да чыла. Июль кыдалне паша чыгынен шогалын. Тӱҥ шонымаш почеш, кызыт подряд организацийым вашталтат. Подрядчик «Дорстройсрвис» пашам шуктымо жапым шуктен огыл да контрактым кӱрлмӧ. 17-ше сентябрьыште Арбитраж судышто пашам умбакыже шуктымо шотышто йодыш ончалташ тӱналеш. Октябрь мучаш марте корным ыштен шуктат мо?- эше раш огыл. Верысе калыкым тиде йодыш шагал огыл тургыжландара. Молан манаш гын, йоча- влакым школ автобус дене кузе шупшыкташ тӱҥалыт? Куд меҥге кужытан корным «Лӱдыкшыдымӧ да сай качестван автомобиль корно- влак» проект дене келшышын олмыкташ тӱналме. Тӱналтыш акше 99 миллион теҥгеш шуын. «Дорстройсервис» тудым куд процентат пелылан волтен кертын да 93 миллион теҥгеш кодын. Тыге  тудо сеҥышыш лектын. 15-ше октябрь марте пашам мучашлышаш ыле.

Прошлые выпуски