Самырык гонщик Тольяттиште икымше лийын

                Йошкар-Ола гыч самырык гонщик Тольяттиште эртыше таҥасымашыште икымше лийын. Эртыше рушарнян Тольяттиште автокросс дене «Ший ладья» лӱман йӱлаш савырныше 49-ше таҥасымаш эртен. Тушто мемнан палыме самырык спортсмен Кирилл Крекотнев «Ока» дене «шӧртньӧ» медальым сеҥен налын. Тыгай сеҥымаш дене рвезе юниор тӱшкаште карьерыжым мучашлен. Вес тургымым Кирилл шушаш телым «Калина» дене кугыеҥ- влак коклаште почеш.

Прошлые выпуски