Оршанке районышто у тукым книгагудым почмо
Оршанке районышто у тукым книгагудым почмо. «Тӱвыра» калыкле проект кышкарыште модель стандарт дене уэмдыме Яков Майоров-Шкетан лӱмеш Рӱдӧ книгагудым торжественно почмаште тӱвыра министр Константин Иванов Оршанке район администрацийым вуйлатыше Александр Плотников лийыныт. Книгагудым олмыкташлан федерал да муниципал бюджет гыч 12 миллионат 400 тӱжем теҥге оксам ойырымо. Тудо мотор да йӧнан лийын. Тушто шкетын, тӱшкан занятийым эртараш, тунемаш да усталыкым ончыкташ йӧным ыштыме. Пӧлем- влакым шонен ыштымылан кӧра Книгагудо шуко функцияныш савырнен. У мебельым, компьютер ден оргтехникым налме. Книгагудын фондшо кум тӱжемат 200 у книга дене пойдаралтын, 24 тӱжем савыктыш дене пайдаланаш лиеш. Майоров-Шкетан лӱмеш районысо рӱдӧ книгагудо республикыштына моделян кудымшо книгагудо лийын. Тымарте тыгай тӧнеж- влакым Йошкар-Олаште да Звениговышто, У Торъялыште да Медведевыште, Моркышто почмо ыле.
Фото: Тӱвыра министерстве.
Фото: Тӱвыра министерстве.
