Таче калыкле президент сымыктыш школын концерт залыштыже «Театральный Поволжье» фестиваль почылтеш

Таче калыкле президент сымыктыш школын концерт залыштыже «Театральный Поволжье» фестиваль почылтеш
Калыкле президент сымыктыш школын концерт залыштыже таче 19 шагатлан «Театральный Поволжье» фестиваль почылтеш. Тудо Россий Президентын Юл кундем округышто полномочный представительже Игорь Комаровын тӱналтышыж почеш эртаралтеш. Фестивальым республикым вуйлатыше Александр Евстифеев почеш. Тенийсе ий Театр идалык семын эрта. Тудым почмаште полпред Игорь Комаров лийын ыле. Лач тунам округысо фестивальым эртараш шонымашым каласыме ыле. «Театральный Поволжье» ынде театр илышыш самырык- влакым ушышо ойыртемалтше усталык проект лийын. Январь гыч апрель марте Марий Элна округышто  ик эн ончыч фестивальын икымше йыжыҥжым- «Театральная юность Марий Эл» фестивальым эртарыш. Октябрь гыч кокымшо йыжыҥже тӱналын. Тудын кышкарыште округысо 14 кундем гыч сеҥыше спектакль- влакын видео вариантыштым «Театральное Приволжье» проектын сайтыштыже да телеканаллаште ончаш лиеш. Марий Элыште спектакль- влакым «МЭТР» телеканал ончыкта. А таче республикысе да округысо ончышо- влак Республикысе тӱвыра колледжын 4-ше курсыштыжо тунемше студентше- влакын шындыме «Мой бедный Марат» спектакльым ончен кертыт. Тудо регионысо йыжыҥыште сеҥышыш лектын.

Прошлые выпуски