Рӱдӧ оласе 7-ше школым тений капитально олмыктат
Рӱдӧ оласе 7-ше номеран кыдылаш школын оралтыжым тений капитально олмыкташ палемдыме. Тудо Первомай уремысе 89-ше пӧрт адрес дене верлана. Тиде пашалан 105 миллионат 400 утла тӱжем теҥгем ойыраш палемдыме. Тиде окса федерал, республикысе да оласе бюджетла гыч толеш. Школ пӧртын 1979-ше ийыште чоҥымо ужашыжым тений август мучаш марте ыштен шуктышаш улыт. Эше ик ужашыже, тудым 1939- ше ийыштак чоҥымо, ноябрь мучашлан ямде лийшаш.
