Экзаменлан ямдылалташ компьютерым пуат
Республикысе компьютердыме тунемше- влаклан персонал компьютерым кучыктат. «ПС Софт» Ай-Ти компаний- влакын ассоциацийышт «Мӧҥгыштӧ тунемаш полшо» Российысе акций кышкарыште Республикысе туныктыш министерстве дене пырля компьютердыме выпускник- влаклан персонал компьютерым яра пуат. Тӱшкан аклыме почеш рашемын: элысе 30 процент тунемше компьютер, планшет, ноутбук укелан кӧра дистанций дене тунеммашке куснаш ямде лийын огытыл. Тиде поснак нунжнанрак илыше да шуко шочшан ешла гыч выпускник- влак дене кылдалтын. Тидлан кӧран АйТи компаний- влакын ассоциацийышт компьютердыме выпускник- влаклан оборудованийым пуаш лийын. Тиде кечылаште экзаменлан ямдылалташ ныл выпускниклан компьютерым кучыктымо. Кызыт техникым пуышаш кандидат- влакым ойырымаш эрта.
