«Звенигово-Шолеҥер- Морко» корнын олмыктымо ужашыжым комиссий сайлан шотлен

«Звенигово-Шолеҥер- Морко» корнын олмыктымо ужашыжым комиссий сайлан шотлен
«Лӱдыкшыдымӧ да сай качестван автомобиль корно- влак» проект кышкарыште олмыктымо «Звенигово-Шолеҥгер- Морко» корным кугыжаныш комиссий эксплуатацийыш пуртен. Ныл меҥге утла шуйнышо корно участке Звенигово ден Морко районлаште верланен да Шолеҥерысе кӱртньӧ корно станций да Озаҥ трассе дене ушнен шога. Олмыктымо пашаште йӱштӧ регенераций йӧным кучылтмо, кок пачаш асфальтым шарыме. Пӱтынь паша 52 миллион теҥгем эртен. Корным сайын ыштыме да кужу жаплан чытышаш. Молан манаш гын, йӱштӧ регенарций йӧн дене цементым да эмульсийым кучылтын ыштыме,- каласен корным тергыше тӱҥ инженер Сергей Соловьёв. «Марий Эл Дорстройын» вӱдышӧ специалистше Риаз Шигаповын мутшо почеш, пашам ыштыме годым подрядчик чыла замечанийым шотыш налын да ситыдымашым вигак кораҥден. Кучылтмо материалын качествыжым лабораторий йӧн дене тергыме.

Прошлые выпуски