Ик ДТП-ште кок еҥ колен
Кодшо шуматкечын кастене Йошкар-Оласе Луначарский уремыште правадыме 45 ияш водитель Фольксваген машинаж дене корнышто улшо кок йолешкым тошкен да Дэво ден ВАЗ машинам тӱкен. А ВАЗ-ше эше вес ВАЗ-ыш, а тудыжо Инфинити машинаш керылтыныт. Кок йолешкыжат аварий верыштак ӱмыр лугыч лийын. Дэво ден ВАЗ-ын водительыштым да ик пассажирым эмлыме верыш пыштыме. Фольксвагенын водительже йӱмӧ шотышто тергалташ тореш лийын. Машинажым посна стоянкыш вераҥдыме, шкенжым полиций пӧлкаш кондымо. Тергымаш кая.
