Кеҥежым лагерьлаште 20 тӱжемат 196 йоча каналтен
Роспотребнадзор виктемыште кеҥежымсе тазалыкым пеҥгыдемдыме кампанийын лектышыжым иктешлыме. Кеҥежым тазалыкым пеҥгыдемдыме 192 тӧнеж пашам ыштен. Тушто коло тӱжемат 196 йоча каналтен. 95 процент наре йочан тазалыкше саеммым палемдыме. Тидын нерген виктемын коллегийжын заседанийыштыже увертарыме. Тазалыкым пеҥгыдемдыме чыла тӧнеж документ почеш почылтын. Чыла верыштат кечеш вич гана пукшеныт, кечывалымсе лагерьыште- кок гана. Кеҥеж жапыште лагерь-влак штат режим дене ыштеныт, тӱшкан инфекций дене черланымаш лийын огыл, пудий пижмымат рашемдыме огыл.
