Волжск олаште таче пайрем шӱлыш озаланен

Волжск олаште таче пайрем шӱлыш озаланен
Таче Волжск оласе «Машиностроитель» микрорайонышто Республикым вуйлатыше Александр Евстифеев 320 верлан келыштарыме йоча садым пайрем семын почмаште лийын. Тиде татым верысе калык кужу жап вучен. Йоча садым тушто 1991-ше ий годсек чоҥымо огыл. Вуйлатыше ача-ава да воспитатель, кова ден коча- влакым саламлен да тыге каласен: пытартыш 30 ий наре жапыште икымше у садым чоҥымо. Тыге олаште кокияш да кугурак йоча- влаклан верым тичмашын ситарыме. Машиностроитель микрорайон тыгай пӧлекым налын, а ме, правительствын еҥже, республикысе чыла калык, тендан дене пырля куанена. «Демографий» калыкле проектлан кӧра, кум пачашан, кок лифтан, икмыняр мотор площадкан тӧнежым чоҥен шогалтыме. Пашам шукташ 190 миллион теҥге оксам кучылтмо. Тушто ныл ясле группо, спорт да музыкальный зал, логопедын да психологын пӧлемышт, медицина да пукшымо блок- влак улыт. Республикым вуйлатыше Волжск олаште ыштыме моло вашталтышымат ушештарен. Тушто Спорт полатым да оласе стадионым олмыктымо, кум школын леведышыштым ачалыме, 5-ше школын кокымшо комплексше ышталтеш, Россий тазалык аралтыш министерстве дене азам ыштыме пӧртым чоҥаш кутырен келшыме. Вара тудо изи артист- влакын концертыштым ончен да йоча садым ончен савырнен. Тиддеч посна Волжск олаште «Марбум-Арена» стадионым торжественно почмо. Туштат Республикым вуйлатыше лийын. Тиде объект тӱҥ шотышто йоча футболлан тренировкым эртарыме тӱҥ база лиеш. Тудын акше 18 миллион теҥгеш шуын. Оксан кугурак ужашыже тыгыде гранит кӱлан, кӱртньӧ конструкцийлан, вургемым вашталтен чийыме верлан, тыгыде резинылан да искусственынй сӧремлан каен.

Прошлые выпуски